«Сорос-Кыргызстан» Фонду «Жарандык катышуу» программасынын алкагында Кыргыз Республикасынын шаар жерлеринде жайгашкан коомдук уюмдар, чыгармачылык топтор жана формалдуу эмес көркөм коллективдер арасында гранттык сынак жарыялайт.
1. Сынактын максаты:
Жарандык катышууларды чыӊдоо жана жарандарды социалдык өнүктүрүү процесстерине камтуу, Кыргызстандын ири жана кичине шаарларындагы социалдык мааниге ээ маселелерине коомдун көӊүлүн бурдуруу үчүн шаар жерлеринде искусство жана маданият тармактарындагы демилгелерге (паблик-арт) колдоо көрсөтүү.
2. Демилгелердин негизги багыттары:
2.1 Коомдук жайлардагы заманбап искусство;
2.2 Перфоманстар жана чыгармачылык иш-чаралардын башка формалары;
2.3 Живопись, графика, фото- жана видео-арт;
2.4 Коомдук жайлардагы музыкалык иш-чаралар.
3. Баалоо критерийлери:
3.1 Идеялардын актуалдуулугу;
3.2 Чыгарылган натыйжалардын жана жыйынтыктардын шаар үчүн ойногон ролун түшүнүү;
3.3 Долбоорлорду түзүүгө жана ишке ашырууга шаар тургундарын (шаар коомчулугун) катыштыруу;
3.4 Жергиликтүү бийлик органдары менен өз ара иш алып баруу;
3.5 Реалдуу бюджет.
4. Долбоорлорго коюлган талаптар:
4.1 Долбоордук сунуштар электрондук түрдө долбоордун концепциясы үчүн даярдалган формага ылайык түзүлүшү зарыл жана кыргыз же орус тилдеринде 2017-жылы 7-мартка чейин public.art.kg@gmail.com электрондук дарегине жиберилиши керек.
4.2 Гранттын максималдуу суммасы салыктарды эске алганда: 10 000 АКШ доллар (КРУБ курсу боюнча сом түрүндө).
4.3 Гранттарды берүүнүн жакындаштырылган мөөнөтү: Май 2017-ж.
4.4 Толук толтурулбаган жана көрсөтүлгөн мөөнөттөн кеч жиберилген сунуштар кароого алынбайт.
4.5 Кароого алынган сунуштар рецензияланбайт жана кайра кайтарылып берилбейт.
Байланыш маалыматтары:
Баглан Мамаев тел.: (312) 66-34-75 кошумча 104 baglan@soros.kg
Елена Татаркова тел.: (312) 66-34-75 кошумча 146 etatarkova@soros.kg
